Kandidati për kryeministër nga Partia Demokratike e Kosovës, Bedri Hamza ka anuluar vizitën e tij në Vjenë të Austrisë për shkak të ngjarjeve në veriun e vendit.

Hamza ka thënë se e din se edhe bashkatdhetarët tanë po bashkëndjejnë në këto momente me ne.

Ai ka falënderuar për mirëkuptim.

“Bashkatdhetarëve të mi në Austri, të cilët sonte kisha planifikuar t’i takoj, ju kërkoj ndjesë për mungesën time në tubimin e sotëm në Vjenë. Për shkak të ngjarjeve në veriun e vendit, që kanë shkaktuar pasoja të rënda, kam anuluar pjesëmarrjen për t’ju qëndruar pranë qytetarëve në këtë periudhë të ndjeshme. E di se bashkatdhetarët tanë po bashkëndjejnë në këto momente me ne, siç jam i sigurt që do të takohemi së shpejti në ditë më të mira për qytetarët tanë, mërgatën dhe Kosovën. Ju falënderoj për mirëkuptimin!”, shkroi Hamza në Facebook./Arbresh.info/